潮聖日 +每日一笑

尋日瞓足一日叉足電, 又冇去街係屋企做功課勁乖我會俾10個乖比自己

今日行程豐富同net net 走去中環先去食個luntea (午餐+下午茶是也) 跟手行落Havey Nic 是日潮聖主地, 好彩冇比自遊人攻陷一個都唔覺有不過d 老sales 個個都好似好friendly 咁係度同你say "hello welcome" 但係覺得冇咩heart 個種，不過d brand冇想像中咁正一件普通風褸$2600 但係d料仲削過mk個d (阿廸生, 諗諗佢雖然我唔係你d target 但係都唔好咁掠$喎) 之後再戰ifc zara 同lane crawford 冇收穫, 走去pacific 飲嘢, 我地自備blueberry tart(我地好醒地用佢d 紙巾包住食, 點之有人唔知點解會係pacific coffee 度放d麥麥紙巾, 咁就有人賴左嘢比哥哥啤住, 一日都係我地衰懶唔自己攞紙巾)

之後我地落tst, 我買完化妝品 又買鞋之後去食飯勁飽咁我地個set有件cake咁我地諗住take away 啦, 咁我走去問哥哥可唔可以take away 件cake點之哥哥好認真答我, 你地係食buffet定set, 我地答係食set 架, 哥哥話咁就得, 之後我同阿net兩個爆笑話我地咪至於咁low b 食buffet 會"打包"cake, 如果係我地一定會叫起碼一個攞走, 我地話要表揚呢位哥哥為每日一笑(仲想問佢攞名tim不過佢地冇name tag), 所以我特此要寫低是日一笑。(哥哥佢小肥帶眼鏡架)