幸福

明知今日要2:15開會所以無賴個床就立即起身, 好鬼死有efficiency咁做o左好多o野, plan好哂時間咁, 點知11點幾老板打o黎話要改要早d 1:30去到quarrybay, 激死足之我要趕頭趕命咁出去

4:30開完會走o左去中環先去pacific coffee 幫老板搵完d info 跟住嘆埋個tea 之後去o左zara 買o野, 當然梗係有收穫啦.... (p.s. 我今日都算"近"啊)

之後返學落貓狗返到去已經成身濕哂, 點之完本個阿sir放假搵o左個阿伯代堂，照notes讀唔知佢講咩足之上左半堂就閃o左去o左食dinner, 之後好鬼死飽都要人地同我去食個我最愛的玫瑰色茶凍，唔知點解我每次食我都覺得好幸福，係呢一刻我覺得自己係最幸福的人。

實際行動

朝早又比老板打電話o黎話要12:30出去同佢做meeting + report, 咁我就嗱嗱聲清o野加洗頭換3啦, 點之11:30小女子仲有5mins 可以出得門o既時候, 老板打電話o黎話佢已經完o左上個meeting問我係邊, 咁我就如實講過去知啦, 點不知佢竟然叫我唔使出喎....... 真係啤一聲!!!!!!

咁我呢個已經ready出街o既人, 就出去攞番我張credit card啦, 搞掂之後醒起問下HSBC d投資plan, 咁就坐o左一個鐘, 得出一個結論就係我可以以月供形式1k/month咁去買基金, 佢仲sell 我買多個儲蓄保, 不過好似無咩用(呢個要諗清楚)

我要快d實現我呢個plan,希望我可以keep住落去啦.......

我要儲錢&將我d錢變多d

大矇!!!

朝早一起身就全速前進, 好快咁完成o左好多個task好有滿足感, 之後有人打o黎話出街買魚喎(p.s. 但係好似之前個晚有人激我不過我唔記得o左)

出到去太子等,人地遲到攪到我又熱又炆.... 我話過以後約人地我一定講早15mins比佢以防我又要等(咁起碼唔會傷感情, 好自為知啦o下)

係金魚街竟然撞到Chris個傻婆係咁衝埋o黎真係比佢嚇死, 佢竟然會消費......完本話一齊食飯o既不過我竟然聽唔到電話(我真係聽唔到o架我太專心撈魚)攪到我地撈完魚成9點打番比佢, 佢已經食哂飯lu...... 下次啦一齊再食過.......

番到屋企仲可以睇埋小小ER之後睇埋創世紀先瞓, 一路同人地傾電話一路睇好開心(我都覺得我幾傻但係我真係好鍾意可以大家一齊share一d大家都鍾意o既o野)

有人揸車好驚青啊....唔敢講o野唔可以講笑......有個乘客好悶o左.......唔知呢個病幾時先可以好得番呢???

Myself

呢兩日都係繼續home-office 响屋企清番哂手頭上d o野成日呆o左係度咁, 都真係要做番下gym, 如果唔係而家連以前小小番工放工行o下o既運動都無埋, 只有input 無output, 唔得o架喎, 特別係我件bikini已經向我招手>_<

其實我個friend同我講佢keep fit 只不過應佢b-f要求, 我又覺得呢d o野都唔係為人地做, 應該係為自己而做囉。健康同靚都係自己o架嘛, 自己都唔想成個肥姐咁出街。不過我自己覺得所有o野都唔好話為o左邊個而做(工事除外)應該係為自己, 應做o既就做唔好話我為阿邊個而做或放棄, 雖然be considerate 係好, 但係好似失去o左自我又係唔係好事呢???

小病!!

無啦啦病o左完本打算去老板度都已經7:30爬起身點之胃痛加肚痛就打電話過去話唔過去啦食藥瞓到成11點都好好多lu...老板真係一日都無電話過o黎

的起心肝走去apply o左幾份工, 剩係填form都填到暈但係我都要努力搵工呀唔可以半途而廢, 雖然都唔係一定得但係起碼都叫有機啦

忙!!!

今個星期唔知做咩日日都忙個鬼, 完本諗住星期四唔出去清o下d手頭o野點之真係"人算不如天算"無啦啦都要轆一轆出街做do野 跟住星期五就全日番灣仔tim, 一整日時間又無o左。

仲要比人話我做o野o既時候唔好聽radio喎, 喂我唔認為尸耳仔邊無o野對我好囉我會繼續聽.......

星期六同班朋友一齊食飯聚舊, 好耐無試過咁齊腳, 好搞笑地我地成班唱noon k 時無人唱只係掛住update 大家o既近況同我掛住係度睇報紙搵工囉, 我同佢地講早知就去我屋企打mahjong吹水最多我收番人頭費服侍o下大家

我呢睇見朋友們咁積極做人努力做人咁都鼓勵o左我要向上做人唔好再停滯不前咁我都希望05年有brand-new o既張小tine

CWB!!!

我每星期覺得最開心就係星期日, 因為可去行街仔, 可以話係我多心, 每次去CWB最係覺得有人唔多願咁或好似好多O野諗咁, 某情度上大家都有d 逃避, 其實我都明白有d o野唔係一朝可以改變我都會為人地設想所以我會選擇暫時唔去tsuen wan 一樣, 其實我今日無發脾氣只不過我覺得有人好似好為難咁我先叫走囉.....................