My Big Day!!

今日係我人生中另外一個大日子, 我去POLY U報到呀做registration, register for my master course ar 即係話我人生又有唔同啦加我已經唔見左個BV囉! 哈哈.............不過唔緊要我知道我一定搵得到返o黎嘅!!!

唔知有冇靚仔同學呢........唔得唔得我要專人讀書攞個first hon 返黎(p.s. 好似冇hon之餘仲太妄想啦有second up已經偷笑)

冇人煩...........真輕鬆!!

無聊

HELP! 有人好無聊呀勁煩唔該我唔想討厭你, 你仲係我朋友但唔該唔好咁煩唔好癲啦好嗎??

尋日下午出左街做嘢, 遊mtr河, 好無聊啊, 都係鍾意搭巴士多d, 好似尋日去hku之後搭巴士落北角, 個route係半山 嗰度d景勁正, 之後去左剪頭髮, 嘩好勁!!!

好麻煩之前o係"屈人寺"度買左支foundation, 點之個色我都有加我唔鍾意太白所以唔用再買過新, 我要換啦點之佢話冇貨, 但係佢又唔俾solution我, 起碼要offer話同我check貨再transfer或refund, 咁我呢個火人就黎料炳佢啦, 之後佢話係替工所以唔話得事, 咁我比左我電話佢叫佢搵個話得事嘅覆我,又睇下佢幾時覆?!?!?!

目標為本

老板番o左大陸所以我都唔係真係咁忙, 忙就忙佢果d ad hoc 嘢, 尋日係度surf d website 搵election procedures, 唔知做咩, 不過佢係老板我梗聽話實去做, 係2005年下半年我要係一個乖嘅員工.........我要攞Best Employee Award哈哈!!! 呢個係我嘅目標...............

收工後走去跑步, 都係時候要減下肥, 係泰國返o黎後好肥呀!!!原來呢度都好多人好似好健康咁好鬼死多人跑, hm..........我都要有多d恆心呀...........keep fit..............

尋日又同新朋友仔傾左成個幾鐘電話, 佢又有一個突破的發展, 但係佢又係度胡思亂想....aiya 唔得咁架你成日係度亂諗, 都已經有最最最難嘅第一步咯, 咁之後嘅路就易行好多啦!!俾d心機啦互相鼓勵一下, 希望在明天嘛!!!

聽到另外一個朋友仔感情有問題, 希望好快就雨過天晴啦, 支持你o架!!!

*情 仍是你終生抱負　但要記得別太在乎*

又再一次"叮"一聲

去o左食私房菜, ok啦100蚊倒有個so-called 嘅翅同燕窩+小菜白飯, 食完飯去飲嘢傾d女人計, 朋友仔仲好沉淪o係佢嘅舊戀情, 一個女人仔完全只有佢個舊男友, 所有生活完全被舊男友所牽著走, 我好同情佢畢竟我知道要走出谷底並唔容易, 因為我都曾經係谷底當我以為我仲未清醒得哂嘅時候我估唔到我會咁清醒。 事關我同佢講電話時佢同我講佢好辛苦(p.s. 喊哂咁) 我突然間彈o左一番我自己都估唔到嘅說話, 我同佢講"如果一個男人會咁輕易粒聲唔出走o左去呢個男人都唔值得要、唔值得愛", 原來呢一樣嘢我自己知道o架啦, 只不過我自己唔realise啫, 自己仲好執著咁覺得唔甘心, um............係呢一刻我突然覺得叮一聲醒o左好多!!